رواية( شمس وسط الظلام) البارت(15) (16)بقلم:- أسماء أبوشادي
_______________________
مارو بيصارع الموت
بيفتكر كل لحظة عاشها مع شمس من يوم ما شالها على ايديه وهي لسه مولودة لحد اللحظة اللي قالتله فيها أن قلبها دق لغيره
بيفتكر لما علمها أزاي تمشي
بيفتكر أول يوم راحت فيه الحضانة
وأول يوم مدرسة وأول يوم جامعة
بيفتكر لما بيفسحها في العيد من وهي لسه صغيرة بضفاير
بيفتكر لما كان بيسرحلها شعرها
ولما فاجئته وهي عندها 10 سنين ولبست الحجاب
زكريات كتيييييييييييييير أوي كلها عن شمس أو بمعنى أصح عن قمره
أيوة قمره وقمورته بنته قبل ما تكون حبيبته
@@@@@@@@@
الكل واقف برة مستنين اي خبر يطمنهم عن مارو كله بيديعله
تليفون رودي رن وكانت داليا
فرودي مشيت بعيد شوية وردت عليها
رودي بصوت منخفض/ أيوة يا داليا
داليا / ايه يا بنتي بتصل بشمس مابتردش ليه ولا قعدتكوا مع بعض خليتكوا تنسوني
رودي وصوتها غلبت عليه الدموع / لا يا داليا دا احنا في المستشفى مارو عمل حادثة وكلنا هناك
داليا / ايه ازاي
رودي / ممرضة اتصلت من المستشفى بشمس وبلغتها ومن بعدها أنا وصلتها هي وأهل مارو على المستشفى وأنا معاهم وشمس حالتها صعبة اوي ومافيش حد بيطمنا على مارو
داليا / طيب خلاص انا جاية حالا سلام
( قفلت داليا مع رودي وأستأذنت مهاب انها تخرج وطبعا رفض )
داليا / يا ابيه لازم اخرج
مهاب بصوت عالي/ قولتلك مافيش خروج
داليا ببكاء/ يا ابيه مروان ابن عم شمس عمل حادثة وهو في المستشفى دلوقتي وحالته خطيرة وشمس حالتها صعبة وأنا لازم أبقى معاها دلوقتي
مهاب اتخض جدا بس مش على مروان لا على شمس ولأنه شاف هي متعلقة بمروان اد ايه
مهاب بخوف بيحاول يخفيه / طب يلا أنا هوديكي بنفسي
___________________
عودة للمشفي
في غرفة مخيفة مليانة بالأجهزة ليس بها صوت غير تك تك دوم تك تك دوم ( القلب )
نعم غرفة مارو
فاق مروان من زكرياته وكانوا حواليه الدكاترة وممرضات
مروان بصوت ضعيف / شمس
الدكتور / عايز ايه اتكلم
مروان بأنفاس متقطعة / عايز أشوف أبويا وامي. وشمس
أحد الدكاترة / مش هينفع ندخلهم هنا
الدكتور الكبير بأسف/ لا دخلوهم الوقت بيعدي
@@@@@@@@@@@@@@
برة الغرفة
ممرضة / لو سمحتوا فين أبو المريض وأمه
منى وعبدالحميد / احنا يا بنتي
الممرضة / المصاب عايز يشوفكوا انتوا واحدة اسمها شمس ولازم تدخلوا بسرعة
( شمس قلبها وقف خلاص الدنيا بتسود في وشها بس بتدعي ربنا )
دخلوا لمارو
ومنظره وسط الأجهزة صعب جدا
منى جريت على سرير ابنها / حبيب امك يا ضنايا يا ابني
عبدالحميد وقد علم أن هذه هي لحظات ابنه الاخيرة / اهدي يا منى
مروان بضعف / أبا خلي بالك من شمس هسألك عليها يوم القيامة
منى ببكاء/ لا يا حبيبي انت اللي هتخلي بالك منها وتسلمها لعريسها يوم فرحها زي ماقولت
( شمس مش مستوعبة اي حاجة بس قربت على مروان لما سمعته بيقول اسمها )
مروان / هتوحشيني يا قمري
شمس ببكاء / لاء أنت مش هتسيبني
مروان وانفاسه تكاد تتوقف / غ غصب عني
شمس ببكاء اشد / لا لا أنت سندي ما ينفعش تسيبني هموت بعدك
مروان / لا يا قمري أنتي لازم تكملي طريقك للنهاية عشان أنا ابقى مبسوط منك
شمس / لأ لاء ابوس ايدك يا مارو ماتسبنيش أنا ماليش غيرك يا مارو
مروان دموعه نزلت / غصب عني يا قلب مارو دا أمر الله. خلي بالك من نفسك
شمس مسكت ايديه وهي فيها الأجهزة / لاء لا ربنا مايرضاش بالظلم أنت مش هتموت
مارو بضعف / احضنيني يا قمري
( شمس قربت عليه أوي وهو في وسط الأجهزة )
مروان وهو يلفظ أنفاسه الأخيرة / استودعتك عند ربي الذي لا تضيع ودائعه
( توقف جهاز نبضات القلب ولم تكن تلك المرة الأولى منذ دخوله المستشفى ولكنها كانت الأخيرة. بعدت شمس والدكاترة. بيحاولوا مع مارو وبعد دقيقة )
الدكتور / البقاء لله
توقفت الدنيا كلها من حول شمس بتوقف قلب مروان عن النبض
ومنى فقدت وعيها فور سماعها لتلك الكلمة وزوجها بيسندها
شمس وهي بتحضن مارو وبتصرخ بأعلى صوت / عاااااااااااااااااا عاااااااااااااااااا
عااااااااااااا عااااااااااااا
( الممرضات والدكاترة بيشدوها وبيحاولوا يخرجوها
@@@@@@@@
في خارج الغرفة
وصل مهاب ومعاه داليا
وأول ما وصلوا كانت شمس دخلت جوه
وبعد دقيقة سمعوا صوت صرخة شمس
داليا / دا صوت شمس
رودي ببكاء / لا لا. يارب يارب
نجح الممرضات في أنهم يخرجوا شمس برة وسط مقاومتها ليهم وحتى الحجاب وقع من على رأسها
شمس بصراخ هيستيري / يامااااااارووووووووو سيبووووووووونييييييي أهئ أهئ أهئ عااااااااااااااااااااا
رودي جريت هي وداليا وحضنوا شمس وبيعيطوا هما كمان وشمس بتزقهم وعايزة تدخل تاني
شمس / ياااااا مااااااروووووو أهئ أهئ ,هتسيبني لمييين أهئ أهئ
عبدالرحمن عيط هو ومحمد وعاصم حضنهم
أما مهاب فواقف على جنب ولأول مرة في حياته يبكي ايوة فعلا عمره ما عبط على أي حاجة وفي اللحظة دي اتمنى انه لو يقدر يرجع مروان من الموت عشان مايشوفش شمس كدة
ونفسه يروح ويحضنها ويطبطب عليها
أما عبدالحميد الدكاترة ساعدوه أنهم يفوقوا مراته وبعدها راح لعاصم وعبدالرحمن ومحمد
عبدالحميد / عبدالرحمن اجمد أنت واخوك وخلي بالك من أمك وبنت عمك على مانخلص أنا وعمك عاصم الإجراءات عشان اخوك يتدفن النهاردة
شمس سمعتهم / لااااااااا يا عمي ماتقولش كدة أهئ أهئ أهئ مارو عايش مارو مش هيمشي ويسيبني
عبدالحميد حضن شمس وبيكلم رودي / معلش يا بنتي هنتعبك معانا خودي شمس هي وخالتك مني وروحيهم على البيت
شمس بعدت / لااااا مش همشي من غيره. هو اللي هيقوم وهيروحني بنفسه
رودي وداليا أخدوا شمس وعبدالرحمن سند أمه وخرجوا على العربية ومهاب قرر يقف ويساعد عبدالحميد وعاصم في الإجراءات عشان يخلصوا بسرعة
مهاب / داليا روحي معاهم وفي حرس هيبقوا معاكي من بعيد
شمس ماشية معاهم وهما ساندنها وبيشدوها معاهم وهي لسه بتعيط وتصرخ
( بعد ماشيوا )
مهاب / خليكوا لوسمحتوا أنا كلمت المستشفى والتصريح بتاع الدفن بيجهز
عبدالحميد بحزن كبير / كتر خيرك يا ابني معلش تعبناك معانا أنت واختك
مهاب بجمود مصطنع / ولا يهمك
_______________________
في بيت المصري
اجتمع الجيران والأهل والمعارف
علشان يعذوا
وجميلة عرفت الخبر وماصدقتش جريت على هناك تشوف شمس وتتأكد
واتصدمت وعيطت جدا وانهارت لما شافت داليا ورودي بيحاولوا يهدوا شمس اللي قربت تموت من الصراخ والعياط
تمت الإجراءات وتم الدفن وعاد عبدالحميد مع أصحاب ابنه
واللي ساندين محمد لأنه انهار في المقابر
شمس سمعت اصواتهم برة قامت وخرجت وهي بتطوح من كتر التعب
شمس وقفت على باب البيت وبتكلم عمها اللي واقف وسط الناس
شمس بصوت مبحوح / فين مارو
عبدالحميد / استهدي بالله يا بنتي وأهدي
شمس بصراخ / دفنتووووه دفنتوه لييييييه لييييييييييييييه حرام عليكوا يتمتوني تاني ليه سبتوه هناك ليه وهو مسألش عني ازاااي ما يجيش معاكوا
شمس قعدت فى الارض على ركبها وحطت ايديها الاتنين على دماغها/ خلاااااص مابقاش لحد في الدنيا
( الكل واقف بيبكي حتى عبدالحميد الدموع اللي كان حابسها نزلت. ومحمد جري على شمس وحضنها )
محمد ببكاء/ بس يا شمس ورحمة مارو لتسكتي
شمس بتبص حواليها / هو خلاص بقى ميت وبتلحفني برحمته
شمس وهي بتتكلم حاست أن لسانها اتشل وماقدرتش تتكلم وغمضت عنيها
مهاب كان واقف بعيد وسط الناس اللي مايعرفهمش ولا حتى عمره راح مكان زي ده بس هو موجود علشان شمس مش قادر يسيبها ويمشي
وبيحاول يمنع دموعه من أنها تنزل على حالة حبيبته
وكمان مستغرب ان في ناس كتير اوى كانت بتعيط على مروان رجالة كبيرة وشباب واطفال
وأول مرة يحضر جنازة يحس ان الناس زعلانة فعلا على اللي مات
مهاب اول مالاحظ سكوت شمس في حضن محمد جري عليها
مهاب مخاطب محمد / شوفها كدة لو سمحت ليكون جرالها حاجة
( شمس ماردتش عليهم ولقوها فقدت وعيها وطبعا بما ان محمد اساسا مش قادر يقف
مهاب شالها بسرعة ومحمد دخل معاه شقتهم
البنات أول ماشفوها جريوا على مهاب وهو شايلها. ورودي قالت لمهاب يدخلها أوضتها وفعلا دخلها ومهاب طلب دكتور
ومحمد جاب بيرفيوم وبيحاولوا يفوقوها وعبد الحميد ماقدرش يدخل عشان ماحدش يشوف دموعه خصوصا مراته
الدكتور وصل وكان مستغرب المكان وأن مهاب العدلي في مكان زي ده
كشف الدكتور علي شمس واداها حقنة مهدأ وكتبلها على مهدئات تأخذها ومشي
أما مهاب فبعت واحد من حرسه يجيب العلاج وبعد شوية أخد داليا ومشي
ورودي قررت تقعد مع شمس يومين لأنها مش هتقدر تسيبها في الحالة دي
@@@@@@@@
مر يومين حزن على كل البيت وحتى الجيران الكل زعلان عشان مروان لأنه كان إنسان طيب جدا مع كل الناس
داليا بتروح تزور شمس وتقعد معاها كتير ولما بتروح بتفضل كل شوية تتصل برودي علشان نطمن عليهم.
ومهاب كان في حالة يرثى لها
زعلان جدا على حالة شمس ونفسه يشوفها أو يطمن عليها وفكر يسأل داليا بس كبريائه منعه
أما شمس فكانت شبه مغيبة عن كل حاجة حواليها. ووشها بعد ماكان مستدير أصبحت عظام وجهها تظهر وتحت عنيها هلات سودة وزارقة وعنيها ذبلت من كتر العياط
ولا بتاكل ولا بتشرب ولا حتى بتتكلم رغم محاولات الكل معاها
لكن هي ماكنتش بتسمعهم أصلا
وطول النهار قاعدة في اوضة مروان وبتحضن هدومه وصورهم سوى
وفي يوم الساعة 9 بالليل
داليا اتصلت برودي علشان تطمن على شمس
وكانت رودي في أوضة شمس
وشمس في أوضة مروان
داليا / أنا قلقانة عليها أوي وخايفة
رودي / والله وانا كمان دا من ساعة ما انتى كنتي هنا وهي دخلت أوضة مارو ومش عايزة تخرج
داليا / طيب ادخلي شوفيها كدة يا رودي وحاولي تخرجيها وقوليلها تنام ولما تضحي تبقى تدخلها تاني
رودي / طيب خليكي معايا اروحلها كدة
رودي دخلت أوضة مروان وماخبطتش قالت يمكن شمس نامت وأول ما دخلت اتصدمت من اللي شافته
رودي بفزع / شمس
______________________________
بجد والله عيني وجعتني من العياط ومش قادرة أكمل خالص
نكمل بكرة
رواية ( شمس وسط الظلام) البارت(16) بقلم:- أسماء أبوشادي
_______________________________
أميرة السعادة / الناس اللي زعلانة على مارو أنه مات
أظن انكوا بتثقوا جدا في كتابتي و واثقين اني بطلع أحسن ما عندي علشان الرواية تعجبكوا
وأنا قولتلكوا من الأول أن الرواية خيالية بس بتميل للواقع
والواقع للأسف مافيهوش مارو ده ببساطة مش موجود ولو موجود بيحصل حاجتين يا الدنيا بتغيره وبيبقي وحش يا بيموت
وشخص بطباع مارو الأفضل له هو الموت
لأن وجوده في الرواية عذاب كبير جدا له
لأن لما يشوف ضحكة شمس اللي بيعشقها بقت ملك لغيره هيتوجع
لما يحس ان البنت اللي بالنسبالة أمه وأخته وحبيبته وبنته بقت ملك لغيره هيموت بالبطيئ
صدقوني الموت له رحمة كبيرة جدا
وافتكروا أننا لو علمنا الغيب لاخترنا الواقع
ودا مش كلامي انا
آسفة طولت عليكوا واتمنى انكوا ماتكونوش زعلانين وتاكدو إني هعوضهلكوا في الرواية اللي بعد دي ( تحدت الطوفان )
اتمنالكوا قراءة ممتعة
@@@@@@@@@@@@@@@
___________________________
في غرفة مروان
تجلس شمس على سرير مروان وفي ايديها ظرف فيه آخر صور اتصوروها مع بعض في العيد ( مروان ماكنش لحق يحطهم في الألبوم بتاعه هو وشمس )
لأول مرة شمس تنطق من يوم وفاة مارو
لأنها حتى بينها وبين نفسها ماكنتش بتتكلم
بس هي مش اتكلمت هي غنت
غنت بصوت باكي حزين مبحوح بإحساس بشع وأكدلكم أن اللي يسمع منها الأغنية دي يبكي لأن هي اساسا صوتها ملوش مثيل ويسحر فما بالك وهي بتغني بإحساس صادق لدرجة انها غيرت لحن الأغنية صحيح نفس الكلمات ولكن تختلف كثيرا
كدة
كدااااا يا قلبي اه يا حتة مني يا كل حاجة حلوة فيااااااااا
كدة
كدااااا هتمشي وتسيبني لوحدي في الحياة والدنياااا ديااااااااا
يعني ايييييييه
يعني خلاص اناااااا مش هشوفك تانييي
مش هلمسك مش هحكي ليييك عن حاجة تعباااااااانييييييي
كنت روحيييييي لما كان جوايا رووووووح
عمرييي ما تخيلت انك يوم تروووووووح
مش فضليييي منييييي غييييييير حبة جرووووووووووووح
مع السلامة يا حبيبي وفي أمان عمري ماهقول يوم عليك ماضي وكاااان
عمري ما انسى مهما طاااال بيا الزماااااان
أهئ أهئ أهئ عمري ما انسى أهئ أهئ أهئ عمري ما انساك يا مارو
أنا اصلا مش هقدر أعيش من غيرك يا ماروو
ارجعلييييي يا مارو
ارجعليييي يا اما انا هجيلك
( ظلت شمس تبكي وتنتحب ثم وقعت عينيها على قطر ( شئ حاد كالموس كان مارو يستخدمه في بعض الأشياء )
قامت شمس ومسكته ويدوبك بتحطه على شريين ايديها دخلت داليا
رودي بفزع / شمس أنتي هتعملي إيه ارمي اللي في إيدك دا بسرعة
شمس وقد باتت تشبه الأموات من كثرة البكاء والحزن وقلة الأكل / سيبيني يا رودي سيبيني أروح عند مارو أنا مابقاش ليا حد هنا خلاص بقيت لوحدي
رودي حضنت مس بعد ما اخدت اللي كان في ايديها وألقت به في الأرض / خلاص يا شمس كفاية كدة حرام عليكي نفسك
عايزة تسيبيني يا شمس وتمشي وأنتي عارفة انى ماليش غيرك
ماتعرفيش أن لو حصلك حاجة انا كمان هموت
شمس وهي تنتحب من البكاء/ غصب عني يا رودي تعبانة أوي مارو وحشني ومش قادرة أتخيل اني خلاص بقيت لوحدي ومش هشوفه كل يوم ومش هيتصل كل شوية بيا عشان يطمن عليا
رودي بعدت بشويش من حضن شمس/ بصي يا حبيبتي فاكرة لما كنا في اوضتك وبقولك مروان إنسان مافيش زيه
فاكرة ساعتها أنتي قولتيلي إيه
قولتيلي مارو دا ملاك
والملاك يا شمس مش بيعيش بين البشر
لاء بيعيش في الجنة في السما مع الملايكة
وكفاية ان كل الناس بتدعيله وأنتي كمان لازم تدعيله وتهتمي بنفسك وبمستقبلك عشان هو يبقى مبسوط منك
شمس / وهو هيتبسط مني أزاي وهو خلاص سابني لوحدي
( منى كانت واقفة على الباب وسمعت كلامهم ودخلت لما شمس قالت كدة )
منى وهي تربت على ظهر شمس / لا يا حبيبتي هو صحيح مات بس معاكي وحاسس بيكي ( وقالت ببكاء ) يا قلب مارو
شمس ببكاء وابتسامة مكسورة / قلب مارو ههههه ما خلاص مارو مات
منى حضنت شمس وعيطت / أنتي اللي مصبراني على فراقه هو صحيح مات بس ساب قلبه هنا لأن أنتي قلبه يا شمس
أنتي قلب أبني
( نادية دخلتلهم هي كمان ( زوجة عاصم و اخت منى )
نادية / خلاص بقى يا منى هتموتي أنتي وشمس ادعوله بقى علشان يرتاح في قبره
شمس / الله يرحمه ويدخله فسيح جناته
نادية / بصوا أنا عملت أكل هجبهولكوا بقى ولازم تاكلوا
شمس / أنا مش هقدر أكل يا خالتي ( شمس بتناديلها خالتي من وهي صغيرة زي ما مروان كان بيناديلها )
رودي / لاء لازم تاكلي
منى / ورحمة مارو لاتكلي يا شمس
______________________
في قصر العدلي
داليا كانت على التليفون مع رودي لما قالتلها هتدخل تشوف شمس
وفجأة التليفون فصل بعد ما سمعت رودي بتنادي شمس بفزع
فقررت إنها تروحلهم بسرعة لأنها اتصلت تاني كان التليفون مغلق
وداليا خارجة قابلها مهاب
مهاب بلهجة غاضبة / أنتي رايحة فين دلوقتي ومن غير ماتستأذنيني
داليا بنبرة قلقة توشك على البكاء / رايحة عند شمس يا أبيه
مهاب اتخض أول ماسمع داليا بس حاول مايبينش / وهتروحي دلوقتي ليه مش كنتي هناك الصبح
داليا وقد ترقرقت الدموع في عينيها / أصلي كنت بكلم رودي اطمن عليها
قالتلي إنها قاعدة في أوضة مروان لوحدها من فترة قولتلها طب أدخلي شوفيها
ودخلت وأنا بكلمها ومرة واحدة لقيتها بتقول بصوت عالي وفزع شمس
وبعد كدة التليفون اتقفل ومش عارفة اكلمهم خالص
( مهاب مجرد شك أن شمس فيها حاجة كان كفيل إنه يفزع قلبه ويملاه رعب )
مهاب وهو ماشي على برة / طب تعالي وأنا هروح معاكي بنفسي
( مهاب وداليا راحوا على بيت المصري عشان يشوفوا شمس )
ولما وصلوا كان عبدالحميد وابنه محمد وعبدالرحمن وأخوه عاصم قاعدين في الصالة وشمس ورودي قاعدين في اوضتها ومعاهم مني ونادية وإيمان مرات عبدالرحمن ورحمة اخت شمس وكمان عادل أخوها ( عنده 10 سنين )
داليا دخلت عندهم في الأوضة ومهاب فضل مع الرجالة برة وعبدالحميد كان بيشكره على اللي عمله يوم وفاة مروان
لكن مهاب ماكنش معاه أبدا كل تفكيره أنه عايز يطمن على شمس
بس أتأكد أنها كويسة لما شاف ان الجو هادي جدا ومافيش إي شئ يقلق
@@@@@@@@@@@
مشي مهاب وداليا
والبيت كله نام حتى رودي نامت جنب شمس أما شمس فجابت تليفونها وفتحته لأنه مقفول من يوم الحادثة
ودخلت على حساب الفيس بوك الخاص بيها ونشرت الفيديو اللي كانت بتغني فيه فالفرح ومارو كان جنبها
وكتبت فوقه
( أبشع إحساس هو الفراق
كنت معايا دايما وحتفضل معايا علطول )
ونزلت صورة تانية لمروان وكتبت فوقها
( بطلب من كل أصدقائي يدعوا للإنسان اللي كان ليا كل شئ في حياتي بالرحمة والغفران والجنة )
مرت الايام ورودي رجعت على بيتها
أما شمس فمش بتخرج أبدا من البيت وكمان نقلت حاجتها في أوضة مروان عشان تحس انه معاها
ومحمد إجازة الجيش بتاعته خلصت فودع شمس وقالها إنه لما يرجع هيفتح ورشة مزون ومش هيقفلها أبدا
شمس زعلت جدا ان محمد ماشي ( لأنه كان شبه مروان جدا )
شمس بقت علطول خايفة وتايهة ومرعوبة حتى لما بتيجي تنام مابقتش تحس بالأمان أبدا
ومهاب بيحاول ينسى شمس
لأنه حتى بعد ما مروان مات هو مش هيقبل يحبها وهي بتحب حد غيره حتى لو كان الحد ده ميت
مر شهر على وفاة مروان
وحصل حاجة ماكنتش في الحسبان
واحد من صحاب مروان. كان قريب منه جدا وعارف شمس كويس أوي قرر يتقدم لشمس ويخطبها
ودا عشان هو خايف عليها بعد موت صاحبه وهو عارف شمس كانت بالنسبة لمروان إيه بس مايعرفش إنه كان بيحبها
ومن حبه لصاحبه قرر( شريف ) يخطب شمس من عبدالرحمن
وعبدالرحمن قاله أن الوقت مش مناسب وهو قاله أنهم مش هيعملوا اي حاجة هما بس يقرأوا الفاتحة ( ودا لأنه كان خايف على شمس ان أبوها يجوزها حد من اللي كان مارو بيرفضهم )
عبد الرحمن عرض الفكرة على ابوه وعمه
وطبعا عبدالحميد رفض وبشده
بس شمس سمعتهم وخرجت من الأوضة ووقفت بكل قوة وقالت / أنت بترفض ليه يا عمي.
عبدالحميد / يعني مش عارفة انا برفض ليه
شمس بتحاول تبقى قوية / أنا موافقة
______________________
